))
Episod 19: Mirka Costanzi X Naturschutzzenter Ellergronn
Manage episode 385480442 series 3475167
İçerik Minett UNESCO Biosphere, IK-CNCI & MUAR, Minett UNESCO Biosphere, and MUAR tarafından sağlanmıştır. Bölümler, grafikler ve podcast açıklamaları dahil tüm podcast içeriği doğrudan Minett UNESCO Biosphere, IK-CNCI & MUAR, Minett UNESCO Biosphere, and MUAR veya podcast platform ortağı tarafından yüklenir ve sağlanır. Birinin telif hakkıyla korunan çalışmanızı izniniz olmadan kullandığını düşünüyorsanız burada https://tr.player.fm/legal özetlenen süreci takip edebilirsiniz.
Legenden, Theater, Pedagogik a Mermaids
Dës Kéier wollte mer eisen Episod eigentlech an der Kabaischen „Pump It Up“, déi um Territoire vun der Stad Esch fir de Minett Trail opgeriicht gouf, ophuelen. Well d’Kabaischen am Moment awer Ament net zougänglech ass, hu mer eis Opnam kuerzfristeg misse réckelen. Dofir hu mir eise Gaascht einfach an der permanenter Ausstellung "Transition Now" am Naturschutzzenter Ellergronn begréisst. D’Expo ass just e puer Meter ewech vun der Kabaischen an de Raimlechkeete vun der fréierer Minn Cockerill ënnerbruecht.
An dësem Episod vun eisem Wanderpodcast léiere mir d'Mirka Costanzi kennen. D'Mirka war de kreative Kapp hannert dem Esch2022-Projet "De roude Fuedem duerch de roude Buedem", deen a 6 vun den 11 Gemengen aus der Minett UNESCO Biosphere organiséiert gouf an och nom Enn vum Kulturjoer weider Bestand huet.
Eise Gaascht: Mirka Costanzi
D'Mirka Costanzi ass studéiert Theaterpedagogin a schafft am Centre culturel "Rotondes". Si ass och am Kënschtlerkollektiv "Maskénada" engagéiert, mat deem si regelméisseg kulturell Evenementer op aussergewéinleche Plazen organiséiert. Maskénada war och un der Ëmsetzung vum Mirka senger Iddi fir de Projet "De roude Fuedem duerch de roude Buedem" bedeelegt, an deem d'Mirka ale Seechen a Legende vu staarke Fraen aus eiser Regioun en neit a digitaalt Liewe geschenkt huet.
Dës Legende waren natierlech en Thema an eisem Gespréich. Mir hunn awer och mam Mirka iwwer seng italienesch Wuerzele geschwat. Boulderen, Yoga a Mermaiding waren aner Gespréichsthemen, sou wéi Zolwer, d'Uertschaft an där d'Mirka doheem ass.
De Minett Mash-Up ass eng gemeinsam Initiativ vun der Minett UNESCO Biosphere, dem IK-CNCI (Centre National de la Culture Industrielle) an dem MUAR (Musée vun der Aarbecht).
Déi komplett Shownotes vun dësem Episod, mat all de Links an Informatiounen, esou wéi all déi aner Minett Mash-Up Podcasts fannt dir op:
https://bit.ly/mmu_season2
Followed eis op Instagram
25 bölüm
Paylaş
